A do të qëndrojë Armando Broja te Chelsea? Kjo është pyetja që tundon shumë të përfshirë në këtë dilemë, sidomos “bomberin” kuqezi i cili sheh që në Londër hapësirat për të sa vijnë e zvogëlohen, në një kohë kur blutë vijojnë të kërkojnë zgjidhje të tjera në merkato.
Sigurisht të interesuarit kryesorë janë drejtuesit e Chelsea-t, Broja është një investim i klubit, një lojtar i ri me shumë potencial tek i cili besojnë pasi është nën kontratë deri në 2028.
Për të ardhmen e Brojës është pa diskutim i interesuar edhe trajneri i Shqipërisë, Sylvinho, Broja në sytë e tij është pika më e rëndësishme e projektit kuqezi.
Në Angli, mediat vijojnë t’i kushtojnë rëndësi të ardhmes së Brojës, në një kohë kur për të interesohen disa klube të rëndësishme, një prej tyre është dhe West Ham.
Në fakt, “çekanët” janë interesuar për Brojën edhe sezonin e fundit, pas një paraqitje të shkëlqyer që Broja dhuroi në radhët e Southampton.
Sipas The Guardian: West Ham pritet të nisë sërish bisedimet me Chelsean pasi këtë verë nga ekipi i tyre u largua Scamacca, drejt Atalanta BC.
Broja shihet si zëvendësuesi ideal i Scamacca-s. Pikërisht atëherë kur Broja po tundohet nga ideja për tu larguar nga Londra, një dëmtim i Nkunku mund të bëjë që sulmuesi kuqezi dhe stafi i Chelsea-t të ndryshojnë mendim.
Sulmuesi francez pësoi një dëmtim, do të nënshtrohet një ndërhyrje kirurgjikale që pritet ta mbajë jashtë fushës së lojës për të paktën 2 muaj.
Discussion about this post