Silvio Berlusconi kishte pesë fëmijë dhe të gjithë kanë një pjesëmarrje të drejtpërdrejtë në ‘Fininvest’. Peshën më të madhe, mbi 61 për qind, e kishte ish-kryeministri, i cili ka 22 prona personale. Më pas janë tre të tjerë që u referohen fëmijëve të tyre: Marina dhe Pier Silvio që kanë secili nga 7.65 për qind të ‘Fininvest’.
Më pas janë tre fëmijët që pati me Veronica Larion: Barbara, Eleonora dhe Luigi. Së bashku ata arrijnë në 21.42 për qind të aksioneve brenda ‘Holding Quattordicesima’, nga të cilat secili zotëron një të tretën e kapitalit. Sot Marina drejton ‘Fininvest’-in dhe ‘Mondadori’-in, ndërkohë që Pier Silvio merret me ‘Mediaset’-in.
Për momentin nuk ka asnjë informacion të caktuar në lidhje me një testament. Megjithatë, disa thashetheme do të konfirmonin ekzistencën e tij dhe faktin se do të ishte modifikuar disa herë së fundmi pikërisht për të shmangur mosmarrëveshjet e mundshme mes trashëgimtarëve.
Për ‘Corriere della Sera’ “meqenëse themeluesi mbante 61 për qind kjo do të thotë se rreth 40 për qind (e ’Fininvest’-it) u kalon automatikisht fëmijëve (8 për qind secili) të cilët janë të vetmit aksionerë të tjerë të shoqërisë në krye të grupit”. Megjithatë, 21 për qind e ‘Fininvest’-it do të mbetej jashtë, e cila në vitin 2021 regjistroi rreth 6 miliardë xhiro dhe 360milionë fitime.
Sipas “Corriere” do të ketë edhe një përfshirje të mundshme në testamentin e Marta Fashina – e cila në çdo rast duhet të ketë një trashëgimi – dhe të miqve të përjetshëm Fedele Confalonieri dhe Adriano Galliani.
Në fakt, misteri më i madh lidhet pikërisht me partneren e pesë viteve të fundit me të cilën Kavalieri bëri një martesë formale, e cila nuk u shoqërua kurrë nga dokumente zyrtare në shtetin italian apo gjetkë. Sidoqoftë, vështirë që 33-vjeçarja të jetë përjashtuar nga mundësia e një trashëgimie, sigurojnë ata që e kanë njohur nga afër raportin e çiftit me plot 53 vite diferencë.
Discussion about this post