Mesfushori i Besiktas, dhe ish-lojtari i Barcelonës, Miralem Pjanic ka folur së fundmi për Lionel Messin dhe Cristiano Ronaldon. Ai e quan veten me fat që ka luajtur me të dy yjet, portugezin te Juventus dhe argjentinasin te Barça.
“Po dhe ndihem shumë me fat: të luash me dy jashtëtokësorë është po aq e vlefshme sa një trofe. Ata janë të ndryshëm, Leo dhe Cris, por gjithashtu shumë të ngjashëm: ata jetojnë për të konkurruar dhe fituar, edhe në stërvitje. Cristiano kujdeset për çdo detaj të vogël, por mos mendoni se Messi nuk është një punëtor i fortë.
Leo, megjithatë, ka një dhuratë unike: ai arrin në gjithçka me thjeshtësi ekstreme. Edhe goditjet e lira … Më duhet të praktikoj vazhdimisht pjesë të caktuara. Ndërsa Leo vështirë se i provon kurrë në stërvitje, por më pas në ndeshje ai shënon gola të bukur. Është çmenduri!”-tha ai.
Ndërkohë rikujtojmë se Pjanic u transferua vetëm pak ditë më parë te kampionati turk te klubi i Besiktas, pasi pati shumë pakënaqësi me trajnerin e ‘Blaugranas’, Koeman./Gijotina.com
