Shumë zhurmë për Pep Guardiolën te Brazili, vjen reagimi i parë

Trajneri i Manchester City, Pep Guardiola, javët e fundit është përfolur për një kalim të mundshëm te Brazili pas kampionatit “Katar 2022”, pasi Tite do të largohet.

Për të sqaruar njëherë e mirë këtë çështje, ka folur Presidenti i Konfederatës Braziliane të Futbollit, Ednaldo Rodrigues.

“Ne të gjithë e dimë që Guardiola është një trajner fitues, një person që nuk ka nevojë për prezantim.

Gjithsesi unë kurrë nuk kam kontaktuar me të, as nuk kam autorizuar dikë tjetër për ta bërë këtë në emër të CBF”, është shprehur Rodrigues.