Pas shuplakës së will Smith ndaj Chris Rock -ut në ceremoninë e ndarjes së çmimeve Oscar. Një batutë që bëri komediani lidhur me flokët e Jada Pinkett, irritoi aktorin i cili doli në skenë dhe i gjuajti me shuplakë. Batuta nuk është pritur mirë pasi arsyeja se pse Jada ka rruar flokët është sepse ajo vuan nga alopecia.
Ndërsa aktori është përballur me kritika gjatë këtyre ditëve, një video e viteve ’90 po qarkullon në internet. Protagonist është Smith, i cili është në fillim të të 20-ave, ku tallet me basistin John B. williams. “Ai duhet të depilojë kokën çdo ditë. Ky është një rregull,” tha aktori.
Njerëzit shprehen me ironi se Smith duhet të komentojë pamjen e dikujt duke pretenduar se është një shaka por kur bëhet fjalë për atë dhe familjen e tij, nuk e lejon një gjë të tillë. Kujtojmë që aktori kërkoi ndjesë publike duke thënë se sjellja e tij ishte e pafalshme.
Discussion about this post