“Shuplakë” e rëndë, Partizani gjobitet nga UEFA me 51 mijë euro (DOKUMENTI)

Partizani e ka pësuar rëndë nga UEFA, prej sjelljes së tifozëve në ndeshjen e kthimit të Conference League kundër gjeorgjianëve të Saburtalo.

Komisioni i Etikës dhe Disiplinës ka marrë vendimin për problemet e shfaqura në duelin e zhvilluar në “Air Albania” dhe gjoba në total për Partizanin është 51 mijë euro.

Tifozët e “Demave të kuq” goditën me send të fortë portierin e Saburtalo dhe vetëm kjo u ka kushtuar 30 mijë euro gjobë dhe mbyllje të pjesshme të stadiumit.

Gjobat e tjera janë vënë për futjen e tifozëve në fushë, përdorimin e mjeteve piroteknike, dëmet e shkaktuara dhe rrëmujën e krijuar.