Tifozët e ekipit të futbollit të Shkupit, i cili garon në nivelin e parë të Maqedonisë së Veriut, kanë protestuar kundër administratës së qytetit të Shkupit.
Arsyeja për këtë është, se administrata e kryeqytetit ka marrë vendim për të mbështetur financiarisht Vardarin, i cili është në krizë të rëndë. Kjo nuk u ka pëlqyer tifozëve të Shkupit, të cilët kryesisht janë me prejardhje shqiptare.
“Ne e dënojmë me forcë vendimin për t’i ofruar ndihmë financiare për ekipin më të dobët në Shkup. Dhe kjo, pa marrë parasysh faktin, se Shkupi përfaqëson kryeqytetin në Evropë dhe paguan para për të luajtur në stadiumin “Todor Proeski”, por nuk merr asgjë në këmbim.
Shkupi financohet nga taksat që qytetarët shpenzojnë për një qytet modern, jo nga marketingu politik. Prandaj kërkojmë që vendimi të rishikohet dhe nëse hyn në fuqi, të jeni të gatshëm për të vuajtur pasojat”, deklaruan tifozët më ekstremë të Shkupit.
Shkupi pret bullgarët e Levskit këtë të enjte (27 korrik) në ora 21:00. Ndeshja mes dy skuadrave do të përcaktojë se cila prej tyre do të vazhdojë në rrugën e tij për në fazën e grupeve të Conference League.
Discussion about this post