Pas kaq shumë vitesh, “Big Brother” është rikthyer kësaj radhe me personazhe VIP, të cilët do të garojnë për çmimin e madh prej 100 mijë eurosh. Tanimë kurioziteti është shuar në lidhje me personazhet, shtëpinë, opinionistët si dhe çdo detaji tjetër që ka të bëjë me këtë “Reality show”.
Mbrëmjen e djeshme janë zbuluar zyrtarisht edhe Vip-at që do të luajnë. Donald Veshaj është njëri nga personazhet që ju bashkua këtij spektakli, e bashkë me të edhe shoqja e ngushtë e ish të dashurës së tij, Bora Zemanit, Semi Jaupaj.
Bora Zemani dhe Donald Veshaj u ndanë në maj të këtij viti pas tre vitesh së bashku. Vendimi i tyre erdhi pas një periudhe ndarjesh e ribashkimesh të shpeshta që prej gushtit të vitit të kaluar kur marrëdhënia e tyre u bë publike.
Me hyrjen e Semit dhe Donaldit ka nisur edhe një lumë komentesh, nga ku njerëzit spekulojnë se ndoshta mes tyre do të nis ndonjë romancë ose e shumta do bisedohen gjëra që ne nuk i kemi marrë kurrë vesh më përpara. Ndërkohë, njerëzit janë kuriozë të dinë si do sillen dhe në cilën anë do jetë Semi.
“Aaah sa do doja ta shikoja fytyrën e Borës tani në këto momente brenda në big ish i dashuri dhe shoqja e saj e ngushtë”
“Është shoqja e ngushtë e Borës…si do sillet me Donaldin”
“Ahahah bashkë me Donaldin, kemi merak se nuk do shohi Bora”- shkruajnë disa persona në rrjetet sociale.
Gjatë transmetimit të djeshëm ata u panë që folën me njëri-tjetrin dhe dukeshin të qeshur gjatë spektaklit. Si duket gjërat midis tyre mund të jenë mirë, por ende mbetet për t’u parë.
Kujtojmë se Semi, ka qenë e lidhur me këngëtarin, Bojken Lako. Marrëdhënia e tyre së bashku nisi në vitin 2011, por midis tyre ndodhi ajo që nuk pritej, pas 10 vitesh çifti i rokerve u nda, por me sa duket në mirëkuptim të plotë. /O.B/ Gijotina.com
