Si do të nisë java? Mëngjesi vjen me diell, por ja kthesa që pritet pasdite

Moti në Shqipëri këtë të hënë do të jetë nën ndikimin e kthjellimeve dhe kalimeve të pakta të vranësirave.

Paradite do të mbizotërojnë kthjellimet në pjesën më të madhe të territorit të vendit. Por në orët e mesditës dhe pasdites kryesisht do të ketë kalime të pakta vranësirash, të cilat nuk do të mund të sjellin rreshje.

Sipas Meteoalb, temperaturat e ajrit do të rriten në mëngjes, por mbeten konstante në mesditë duke luhatur vlerat ditore nga 6°C deri në 24°C.

Era do të fryjë mesatarisht me shpejtësi 35 km/h nga drejtimi verior duke krijuar në brigjet detare dallgëzim mbi 2 ballë.