Një 40-vjeçar në Shtetet e Bashkuara të Amerikës, ka fituar 1 milion dollar në një lotari falë “gabimit” të shitësit në dyqanin ku mori biletën. Sipas CNN, Josh Buster nga West Burlington, ka kërkuar një biletë me 5 kombinime të ndryshme. Por shitësi printoi një biletë me 1 kombinim dhe një biletë tjetër me 4 kombinime.
Në një deklaratë për mediat pasi fitoi çmimin e madh, Buster u shpreh se nuk e besonte që fitoi dhe se gjithçka ishte prej gabimi në sistem.
“Unë zakonisht nuk kam fat, kështu që mendova se do ishte ndonjë gabim në sistem. Pasi mora mesazhin, u futa në faqen online të lotarisë që të sigurohesha se kombinimi i numrave ishte i saktë, dhe pikërisht ashtu ishte. Tani pres që nga momenti në moment të zgjohem nga kjo ëndërr” – tha 40-vjeçari.
Buster tregon se paratë e fituara do t’i përdorë për të paguar makinën e tij, kredinë që ka marrë e ëma, ndërsa një pjesë tjetër do t’i ruajë për moshën e pensionit.
“Kjo do të më ndihmojë të heqë disa barra nga jeta ime. Nuk do të kem më probleme financiare” –u shpreh ai.
Sipas faqes online të “Lottery’s Mega Millions”, probabiliteti që të fitohet çmimi prej 1 milion dollarësh është 1/12,607,306.
Discussion about this post