“Big Brother VIP” është një nga formatet më të ndjekura dhe rrjedhimisht më të komentuara. Gjithçka ndodh në këtë spektakël vihet në ‘zoom’ dhe përveç protagonistëve shpesh herë komentohet dhe Moderatorja Arbana Osmani. Ndonëse profesionalizmi i saj mbetet i padiskutuar, veshja duket se nuk është pika më e fortë e moderatores. Santana Çomora, sipërmarrëse dhe kryeredaktore e revistës “Living”, ka zgjedhur Arbanën si personazhi i njohur i veshur më keq gjatë javës.
“Aq sa më pëlqen në jetën e përditshme të pakta janë rastet që shkëlqen në skenë. Nuk di nga ta nis komentin nga poshtë lartë apo nga lartë poshtë. Këpucët me plaformë të tmerrshme. Fustani i ngjashëm me të Emily in Paris 2 ku Emily ka ditëlindjen po më duket si një kuti festive ose më mirë të them si fustanet e qëmotit të mbremjeve të maturës. Të paktën të ishte bust, jo me rripa. Ai mund të jetë i bukur, por nuk i përshtatet fizikut të saj ”, ka shkruar Samanta në një foto në InstaStory.
Osmani ka treguar se këshilluesja e saj për veshjet është Lori Hoxha, ndërsa disa ditë para nisjes së “Big Brother VIP” kërkoi mendimin e ndjekësve së saj për fustanet që do të vishte në netët live, ndërsa bënte blerje në shtëpitë më të famshme të modës.
Arbana dhe Lori duket se këtë herë kanë zgjedhur të ironizojnë këto komente mbi veshjen e moderatores. Kjo e fundit ndarë një foto të mbesës së saj dhe zhvilloi një pyetësor me fansat lidhur me veshjen e saj. Mes shumë përgjigjesh publikoi atë të Lori Hoxhës.
“Më mirë pa mëngë. Hahahahaha ai mund të jetë i bukur po jo për fizikun e saj”, ka shkruar Lori duke ironizuar komentin e Samantës
Discussion about this post