Tre vjet më parë, një ish-inxhinier gjeologjie, i quajtur Mehmet Kuruçay, doli para mediave dhe dha alarmin se zonat e Kahramanmaraş është në rrezik të madh në rast të ndonjë tërmeti të madh.
Dhe fatkeqësisht më e keqja ndodhi dhe inxhinierit i doli fjala, pasi tërmeti shkatërroi gjithçka në këtë zonë, duke u marrë jetën mijëra njerëzve të pafajshëm, si pasojë e neglizhencës.
“3 vjet më parë unë thashë që këto ndërtesa do të prishen. Toka ku janë ngritur këto pallate është e keqe dhe kam kërkuar atëherë që këto godina të prishen para se të bjerë ndonjë tërmet. Shumica e ndërtesave në zonën tonë janë 40-50 vjeçare. Ky është aluvion. Këtu nuk duhet të ndërtojmë ndërtesa të larta. Nuk duhet ta lejojmë këtë gjë”, tha në lidhje me parashikimin e tij inxhinieri turk.
Discussion about this post