BBC ka bërë një analizë se si mund t’i vijë fundi luftës Rusi-Ukrainës, e cila po vazhdon për të nëntën ditë radhazi, duke shkaktuar eksode masive nga vendi, me qytetarët ukrainas që kërkojnë një strehë të sigurt në vende fqinje.
Korrespodednti diplomatik i BBC, James Landale paraqet pesë skenarë të mundshëm se si mund të përfundojë lufta.
1. Luftë e shkurtër
Rusia shton operacionet e saj ushtarake me sulme shkatërruese. Mijëra njerëz vdesin, Kievi bie, presidenti i Ukrainës vritet ose arratiset dhe Rusia instalon një regjim pro-Moskës. Ky do të ishte një rezultat i paqëndrueshëm, i prekshëm ndaj kryengritjeve dhe konflikteve të ardhshme.
2. Luftë e gjatë
Ndoshta më shumë gjasa. Ndoshta forcat ruse bllokohen, dhe kaplohen nga morali i ulët. Ata mund të luftojnë për të kontrolluar edhe qytetet e pushtuara. Me kalimin e kohës, forcat e Ukrainës bëhen një kryengritje efektive, ndërsa Perëndimi vazhdon të furnizojë me armë. Ndoshta pas shumë vitesh, Rusia përfundimisht largohet.
3. Lufta evropiane
Putini mund të dërgojë trupa në ish-republikat sovjetike si Moldavia dhe Gjeorgjia, që nuk janë pjesë e NATO-s, ose mund të ketë thjesht llogaritje të gabuara dhe përshkallëzime.
4. Zgjidhje diplomatike
Duke rënë dakord për negociata, edhe pse nuk kanë bërë shumë përparim, Putin duket se të paktën ka pranuar mundësinë e një armëpushimi të negociuar, gjithmonë nëse lufta shkon keq për të, Putini mund të gjykojë se vazhdimi është një kërcënim më i madh sesa “poshtërimi” për t’i dhënë fund.
5. Putini i rrëzuar
Mund të duket e paimagjinueshme. Megjithatë bota ka ndryshuar ditët e fundit. Nëse lufta është katastrofike për Rusinë, mund të ketë kërcënim të revolucionit popullor. Dhe nëse ata që kanë përfituar nga Putini nuk mendojnë më se ai mund të mbrojë interesat e tyre, një rezultat i tillë mund të mos jetë i pabesueshëm
Discussion about this post