Si ndryshon moti të mërkurën, çfarë pritet

Ditën e mërkurë vendi ynë do të vijojë të jetë në ndikim të kushteve atmosferike të paqëndrueshme, parashikon Shërbimi meteorologjik Ushtarak.

Moti parashikohet të jetë kryesisht i vranët e intervale të shkurtëra me diell.

Reshje shiu të herëpashershme në pjesën më të madhe të vendit me intensitet të ulët e lokalisht me intensitet deri mesatar.

Në relievet malore në lartësin mbi 700 metra në veri-verilindje dhe në lartësin mbi 900 metra në juglindje reshje në formën e dëborës me intensitet të ulët.

Era do të fryjë me drejtim nga kuadrati i veriut me shpejtësi deri në 10m/sek, shoqëruar me valëzimin ne dete të forcës 2-3 ballë.

Temperaturat parashikohen:
në zonat malore 2 deri 7°C
në zonat e ulëta 6 deri 14°C
në zonat bregdetare 10 deri 14°C