Ndërkohë që të gjithë po komentojnë largimin e Lulzim Bashës dhe situatën brenda PD Genc Pollo ka përkujtuar 22 Marsin 1992, kur u zhvilluan zgjedhjet pluraliste që u fituan për herë të parë nga Partia Demokratike. Në një reagim në “Facebook”, Pollo shkruan PD duhet të rikthehet me të njëjtën forcë. Ai shprehet se anëtarët e saj duhet ta mirëmbajnë partinë në të kundërt do të dobësohet.
“Sot le të përkujtojmë fitoren historike e masive të Partisë Demokratike 30 vjet më parë. 22 marsi 1992 kthesa vendimtare që la pas regjimin komunist. Por demokracia ka nevojë për mirëmbajtje ndryshe ka regres. Siç ka ndodhur fatkeqësisht këto vite. Prandaj përkujtimi është aktual”, shkruan ai.
Ish-deputeti demokrat poston dhe një foto të 20 viteve më parë ku shfaqet në konferencë shtypi me ish- kryetarin e PD-së së asaj kohe, Sali Berisha.
Discussion about this post