Një shqiptar është ndaluar në Itali pasi rezultoi se identiteti i tij ishte i rremë. Sipas mediave italiane, gjithçka nisi pasditen e 8 marsit kur patrulla e policisë ndaloi për kontroll një rumun 37-vjeçar i cili u dërgua në Stacionin e Karabinierëve të Qendrës Parma pasi karta e identitetit ishte e dëmtuar.
Në përfundim të verifikimeve rezultoi se 37-vjeçari kishte identitet të rremë pasi në realitet ishte një shtetas shqiptar, 38-vjeçar dhe me precedentë penal.
Pas kontrollit personal u gjet një kartë shëndetësore dhe një kartë ATM e një llogarie rrjedhëse me identitet të rremë. Duke pasur parasysh natyrën flagrante të krimit, u kontrollua shtëpia ku u sekuestruan dy pako me drogë të llojit kokainë dhe hashash.
Në përfundim të formaliteteve ai u arrestua për shpërndarjeje droge, vërtetim ose deklarim të rremë pranë një zyrtari publik, posedim dhe prodhim dokumentesh false identifikimi dhe zëvendësim personi dhe i shoqëruar në burgun Via Burla.
Discussion about this post