Dy shqiptarë janë vënë në pranga nga autoritetet belge në Steenokkerzeel, ndërsa një i tretë është shpallur në kërkim. Mediat vendase shkruajnë se policia ishte vënë në ndjekje të shqiptarëve, të cilët akuzohen se kanë kryer disa grabitje në zonë.
Por në ndjekje e sipër, shqiptarët përplasën me mjetin e tyre makinën e forcave të policisë dhe më pas nisën arratinë më këmbë.
Ata humbën në zonat pyjore, por u ndoqën me helikopter nga autoritetet dhe dy prej tyre u kapën. I treti u arratis.
“Ne ngritëm një operacion kërkimi në shkallë të gjerë dhe morëm mbështetje nga helikopteri i policisë federale. Në fund arritëm të arrestonim dy burra. Një i tretë është ende i arratisur.
Të dyshuarit vinin nga Shqipëria dhe makinën e tyre e kishin me targa holandeze. Në makinën e tyre, me targë holandeze, gjetëm plaçkë që lidhet me vjedhje të ndryshme në rajonin Herent dhe Kortenberg,”- kanë sqaruar autoritetet vendase.
Discussion about this post