Si nisi konflikti që shënoi dy viktima në Durrës, sherri me kamerierin për një kafe…

Një ngjarje e rëndë ka ndodhur rreth orës 01:45 të mëngjesit të sotëm pranë një karburanti në Manzë të Durrësit, ku një konflikt i çastit ka përfunduar me dy persona të vrarë.

Sipas burimeve, konflikti ka nisur në një lokal, pasi klientët janë përplasur me stafin e lokalit, përfshirë edhe kamarierin. Mësohet se ekspresi i lokalit ishte fikur dhe kamarieri kishte njoftuar klientët se nuk mund të shërbehej më, pasi ambienti ishte pastruar dhe lokali ishte në mbyllje.

Në debat e sipër ka ndërhyrë një tjetër klient i lokalit, shtetasi Flori Paluçi, i cili i ka kërkuar Daniel Pepës të ulte zërin dhe të mos konfliktohej me kamarierin. Përplasja verbale mes tyre ka vijuar brenda lokalit, ndërsa më pas palët kanë dalë jashtë, ku konflikti ka degjeneruar në përdorim të armëve të zjarrit.

Nga hetimet paraprake dhe pamjet filmike të siguruara nga grupi hetimor, rezulton se:

Daniel Pepa ka qëlluar me armë dhe ka vrarë shtetasin Flori Paluçi, të dy banues në Manëz.

Ndërkohë, në shkëmbimin e zjarrit, është përfshirë edhe shtetasi Aranit Kurti,gjithashtu banues në Manëz, i cili dyshohet se është vrarë nga Flori Paluçi, pak çaste përpara se ky i fundit të mbetej i vrarë nga Daniel Pepa.

Bilanci i ngjarjes së rëndë:

Të vrarë: Flori Paluçi dhe Aranit Kurti

Daniel Pepa, aktualisht eshte i shpallur në kërkim.21-vjeçari qëlloi për vdekje Flori Paluçin 33 vjeç, pasi ky i fundit i vrau shokun, Aranit Kurti 23 vjeç.

Viktima Aranit Kurti, u vra nga Flori Paluçi, pak para se ky i fundit të mbetej i vdekur në vendngjarje.

Njoftimi

Rreth orës 01:45 të datës 22.10.2025, në Manëz, pranë një karburanti, pas një konflikti dyshohet për motive të dobta, kanë mbetur të vrarë me armë zjarri shtetasit A. K., 23 vjeç, dhe F. P., 33 vjeç, të dy banues në Manëz.

Nga veprimet e para hetimore të kryera nga grupi i posaçëm hetimor, dyshohet se shtetasi F. P. është vrarë me armë zjarri nga shtetasi D. P., 21 vjeç, banues në Manëz, ndërsa shtetasi A. K. dyshohet se është vrarë nga shtetasi F. P.

Shërbimet e Policisë po vijojnë kontrollet intensive për kapjen e shtetasit D. P.