Temperaturat gjatë muajit gusht do të luaten në vlerat 34-35 gradë, por në të paktën dy data vlera që do të regjistrohet do të jetë rreth 39 gradë celcius. Parashikimi është dhënë nga meteorologia Lajda Pordja.
“Gushti do të futet me temperatura të larta, janë temperatura lehtësisht mbi mesataren shumëvjeçare. Parashikohet që të paktën 15 ditët e para të regjistrojnë më shumë ditë me vlera 34-35. Do të kemi dy episode, data 8 dhe 9 ku do kemi temperatura që do iu afrohen vlerës 39, por në zonat e izoluara e theksoj nuk do regjistrohen vlera ekstreme. I gjithë gushti parashikon shumë kushte të favorshme dhe temperatura më shumë të pranueshme krahasuar me korrikun përsa i përket pushuesve.
Reshjet do jenë prezente edhe në pjesën e parë edhe në pjesën e dytë, do jenë reshje sporadike dhe kalimtare. Nuk ka sinjale për momentin që gjatë fundjavës apo në javën e parë të kemi stuhi çfarë do ndodhë në Itali, por do jenë reshje kalimtare, preken edhe disa zona të bregdetit por nuk është se do të prishin punë, pasi do të jenë shumë kalimtare vetëm për disa minuta dhe më pas sërish do të kemi diell. “Gusht e gunë”, kjo nuk qëndron shumë sepse na pret dhe një shtator me temperatura të larta, pra vera nuk përfundon këtu!”, është shprehur Lajda Porja për TCH.
Discussion about this post