Hetuesit sllovenë kanë zbuluar detaje nga rrjeti i trafikimit të drogës që “zbarkoi” 4 tonë kokainë në Itali. Në një hetim të iniciuar nga dy vendet çuan në gjurmët e njërit prej “bosave të drogës”, një shqiptar që përmbyti Europën me kokainë nga Amerika Latine. Shqiptari, identiteti i të cilit nuk bëhet me dije kontrollonte gjithë lëvizjen e drogës nga burgu.
Shqiptari që tashmë ndodhet në burgun e Koperit në Slloveni, është një 39-vjeçar i cili kishte ndërtuar një skemë të trafikut të drogës mes Amerikës së Jugut, Sllovenisë dhe Holandës. Ndërkohë trafiku i drogës në Amerikën e Jugut drejtohej nga një grup kriminal të cilin e udhëhiqte një 31-vjeçar shqiptar.
Ai sillte në Evropë sasi të mëdha kokaine, duke e kaluar tranzit nëpër portet holandeze dhe në Slloveni me ndihmën edhe të një 36-vjeçari slloven që jetonte në zonën e Ishullin e d’Istria. Slloveni menaxhonte dhe drejtonte gjithë zinxhirin logjistik, të kompletuar me makina të regjistruara në Slloveni që vepronin si korrierë. Hetuesit italianë dhe sllovenë bashkëpunuan në hetimet e tyre, nën kujdesin e ministrive të vendeve të tyre përkatëse dhe të koordinuar nga Eurojust, Agjencia Evropiane për Bashkëpunim Gjyqësor.
Discussion about this post