Nëse ndiheni sikur keni ëndërruar shumë këto kohë, atëherë koronavirusi mund të jetë problemi.
Ndryshimet në mënyrën e gjumit tregon se shumë prej nesh po ëndërrojmë dhe po mbajmë mend më shumë nga ëndrrat të cilat shikojmë zakonisht, ndërkohë që kërcënimi i virusit mund të ketë ndikuar në vetë natyrën e ëndrrave.
Terapi gjatë natës
Hulumtimi i Blagrove mbështet në idenë se funksioni i ëndrrave është të përpunojë emocionet dhe kujtimet tona, duke vepruar si terapi brenda natës.
Një teori tjetër është se ëndrrat gjithashtu na ndihmojnë të përgatitemi për fatkeqësi. “Teoria e simulimit të kërcënimit parashikon që kur përballemi me kërcënime dhe ndiejmë frikë dhe ankth, mekanizmi ynë i prodhimit të ëndrrave fillon të simulojë ato frika dhe shqetësime në ëndrrat tona,” thotë Katja Valli, një neuroshkencore njohëse në Universitetin e Turku, Finlandë.
Blagrove sugjeron që të folurit për ëndrrat tuaja mund të lehtësojë shqetësimet dhe të çojë në ndjeshmëri më të madhe dhe lidhje shoqërore. Ai kohët e fundit krijoi një forum diskutimi në internet për ëndrrat e punonjësve të shëndetit.
Një nga njerëzit e parë që ndanë ëndrrat e tyre në forum ishte Libby Nolan, një infermiere në Swansea e cila u infektua me koronavirus dhe filloi të shihte makth ndërsa ishte në karantinë.
Mos vendosni alarmin
Studimet sugjerojnë se është mirë të flisni për ëndrrat tuaja. “Mos u shqetësoni për ëndrrat tuaja,” thotë Foster. “Rehatohuni me faktin se truri juaj po bën atë që duhet të bëjë.”
Filloni një ditar ëndrrash nëse ju pëlqen, por ne nuk e dimë nëse kujtimi i ëndrrave në vetvete është i nevojshëm për të përfituar nga gjumi REM, thotë Els van der Helm në konsulencën e gjumit Shleep, në Amsterdam, Holandë.
Van der Helm thekson se disa studime sugjerojnë se gratë mund të kenë ëndrra intensive, të përsëritura më shpesh sesa burrat, por nuk ka pasur shumë kërkime për këtë ndryshim të mundshëm.
Gjëja e rëndësishme, thotë Van der Helm, është të mos vendosni një alarm në mëngjes, në mënyrë që të mos shkurtoni gjumin tuaj REM. / O.B / Gijotina.com
