Ndodh menjëherë, gjatë bisedave të punës, pas një komplimenti apo kur vëmendja bie menjëherë mbi ne. Po përse sikleti na skuq në fytyrë? Si ka mundësi që pikërisht kur ne duam që të mos vihemi re, tërheqim gjithë ato shikime si pasojë e skuqjes?
Përse nuk arrijmë që të kontrollojmë këtë reagim, ashtu siç jemi të aftë që të qeshim edhe kur duam, apo të mos tregtojmë që jemi të mërzitur?
Maska e gjakut
Fiziologjikisht, ne skuqemi kur adrenalina bën zgjeron kapilarët në të cilët qarkullon gjaku në lëkurë. Disa shkencëtarë e lidhin këtë reagim me një mekanizëm të “sulmit apo arratisjes”. Në rrethana ku ne duhet që të largohemi me shpejtësi, apo të vihemi në pozicion mbrojtjeje, përfundojmë duke e shfaqur sikletin tonë pikërisht në fytyrë.
E megjithatë, kjo nuk mjafton për të shpjeguar një mekanizëm kaq të shpërhapur, po aq sa edhe pak të njohur.
A mund ta ndryshosh temën e bisedës?
Për Ray Crozier, psikolog ekspert për personat që janë të turpshëm, të skuqurit është një mënyrë për të shfaqur një mesazh, pak a shumë në mënyrë të ndërgjegjshme. Kur skuqesh gjendesh pak a shumë si në një situatë, për shembull, kur një mik këmbëngul për t’u treguar personave të tjerë se si ne e mendojmë diçka, në momentin më pak të përshtatshëm për ta bërë.
Por njeriu skuqet edhe kur është i inatosur, nga dhimbja apo trishtimi. Por edhe kur ne jemi të interesuar, apo pështirosemi nga një person, e duam që ta fshehim këtë gjë.
Pa rrugëdalje
Nëse faqet tona bëhen të kuqe vazhdimisht e kjo ndodh në situata jo të favorshme, kjo mund të kthehet në një arsye për t?u ndier në siklet. Për mjekët, frika se mos skuqesh quhet eritrofobi.
Shpesh, ai person i cili skuqet dhe kjo vihet re lehtë nga të tjerët ,zhvillon frikën që të skuqet në një situatë shumë të rëndësishme, e kjo bën që ta pësojë edhe më shpesh nga kjo frikë.
Si ta mposhtësh skuqjen
Ata që kanë probleme me skuqjen, mund ta përballojnë atë me psikoterapi, me ushtrime të frymëmarrjes apo me hipnozën.
Por ekzistojnë edhe procedura shumë të debatueshme kirurgjikale që bazohen në prerjen e nervave. Kur kjo ndodh, shkakton zgjerimin e enëve të gjakut të fytyrës. Megjithatë, rreziqet janë shumë më të mëdha sesa përfitimet, kështu që kjo praktikë nuk është përhapur gjerësisht.
Kampionë të ndjeshmërisë
Por zgjidhja më e mirë është që ne ta pranojmë skuqjen e fytyrës si në shenjë të ndjeshmërisë së madhe. Një studim i Universitetit të Kalifornisë Berkley, arriti në përfundimin se individët që skuqen lehtë, janë edhe më bujarë. E madje kanë edhe më shumë përgjegjshmëri për ndjenjat e tyre. Faktikisht, fëmijët skuqen më pak sesa zakonisht, dhe kjo sepse ata janë ende larg disa tabuve sociale të caktuara.
