Edison Memolla ka arritur të fitojë sot për herë të tretë zgjedhjet në Bashkinë e Rrogozhinës. Dy herë brenda dy muajve të fundit dhe një herë një vit më parë, në zgjedhjet e prjesshme të 6 Marsit.
Opozita dhe kandidati i saj Shkëlqim Hoxha kontestuan fortë rezultatin e lokaleve të 14 Majit 2023 dhe KQZ vendosi të mos i japë mandatin Edison Memollës, pavarësisht se ai ishte fitues i zgjedhjeve me një rezultat të ngushtë.
Pjesëmarrja në rivotimet e së dielës ishte më e lartë se dy muaj më parë dhe po ashtu më i lartë ishte numri i votave që Edison Memolla dhe elektorati i tij arritën të akumulonin.
Por si arriti politikani 36 vjeçar të bëhej pjesë e politikës dhe fitonte bindshëm besimin e socialistëve të Rrogozhinës?!
Edison Memolla ëhstë nipi i kryebashkiakut të ndjerë të kësaj bashkie, Haxhi Memolla. I zgjedhur i socialistëve në zgjedhjet lokale të vitit 2019 ndërroi jetë një vit më pas, nga një infakt në zemër. Mesditën e së shtunës së 22 Shkurtit 2020, Haxhi Memolla kishte shkuar në Peshkopi të ndiqte një ndeshje futbolli mes Korabit dhe Egnatias.
Në pushim të pjesës së parë të ndeshjes, kryebashkiaku Haxhi Memolla kishte shkuar në një bar pranë stadiumit të konsumonte kafe, por ka ndjerë papritur shtrëngime të forta në zemër. Të pranishmit dhe ekipi mjekësor janë munduar t’i japin ndihmën e parë, por 52 vjeçari nuk ka mundur të jetojë.
Mes trishtimit dhe dhimbjes për ikjen e një bashkëpunëtori dhe një politikani lokal të respektuar, zyrtarët e Partisë Socialiste vendosën që të komandonin në krye të Rrogozhinës nipin e tij, Edison Memollën. Në atë kohë shumë më i ri, ai e drejtoi për dy vite bashkinë si i komanduar.
Zgjedhjet e pjesshme të 6 Marsit 2022 erdhën shpejt dhe Edison Memolla duhet të bënte përballjen e parë me kundërshtarët. Partia Demokratike doli me dy kandidatura të ndryshme, të cilat i besuari i socialistëve arriti t’i mposhtte me një fitore të thellë.
14 Majit 2023 ishte data e radhës për zgjedhjet lokale në të 61 bashkitë e vendit dhe Edison Memolla mori besimin e strukturave të Partisë Socialiste për të rikandiduar. Edhe këto zgjedhje ai i fitoi por rezultati ishte shumë i ngushtë dhe i kontestueshëm ndaj u vendos që të rivotohej.
Zgjedhjet u përsëriten dje dhe mëngjesin e sotëm kryebashkiaku socialist i Rrogozhinës arriti të rikonfirmohej edhe me një rezultat më bindës, me mbi 1 mijë vota më tepër.
Discussion about this post