Teksa ende nuk është e qartë se kush ishte objektivi i atentatit mafioz, rreth 30 minuta para vrasjes dy të rinjtë me të shkuar kriminale Erigers Mihasi dhe Armando Dumani bënin xhiro për qejf të vetë nga politekniku.
Rreth orës 17:30 “aventurat” e tyre morën fund pasi breshërisë automatiku përshkoi “Audin” dhe la të vdekur dy të rinjtë.
Autorët i kanë ndjekur nga pas viktimat për një kohë të gjatë. Burime për nga grupet heimtore për gijotina.com bëjnë me dije se fillimisht makina e autorëve “Toyota” e vjedhur me Greqi dhe me targa të vjedhura në Tiranë, shfaqet teksa ndjek nga pas “Audin” luksoz, tek Pallati me Shigjeta. Në pak minuta makinat shfaqen në Astir, ku pranë një semafori, fillimisht autorët hapin zjarr nga pas “Audit” ndërsa më pas i dalin anësore në krah duke gjuajtur të gjithë karikatorin e duke lënë të vdekur dy të rinjtë.
Mësohet se Mihasi i cili dyshohet se ishte edhe shënjestra kryesore e atentatit, kishte pak kohë që ishte kthyer nga Gjermania ndërsa autorët e kanë ditur këtë fakt dhe kanë nisur planin për eliminimin e tij.
Discussion about this post