Ekzekutimi i bosit mafioz grek Giannis Skaftouros, ka sjellë vështirësi për hetuesinë greke. Deri më tani asnjë i dyshuar nuk është mundur të identifikohet, ndërsa policia greke pohon se ky vrasja u bë nga vrasës profesionistë të paguar, të cilët janë specialistë të vjedhjeve të makinave, motorëve dhe kanë lidhje kriminale për të marrë armë të pa përdorura më parë në ngjarje kriminale.
Hetuesit vlerësojnë se porosia për vrasjen e Giannis Skaftouros vjen nga burgu. Ajo që ngre shumë pikëpyetje për hetuesit është është nëse personi i panjohur që ka urdhëruar killerat shqiptarë të plagosin me thikë Skaftouros në burg, është i njëjti që ka paguar për ta vrarë në Skourta. Për këtë arsye, ata janë në kërkim të ngjarjeve në të cilat Skaftouros ishte përfshirë në pesë vitet e fundit për të identifikuar arsyet që do të çojnë në autorin e krimit.
Vlerësohet se ekzekutuesit janë të paktën gjashtë persona që kanë marrë pjesë në operacionin e ekzekutimit në Skourtë. Ata kanë mbikqyrur lëvizjet e viktimës për të paktën tre ditë dhe ka gjasa që ata të kryenin sulmin edhe nëse truprojat e “xhaxha xho” do ishin aty.
I vetmi gabim i ekzekutuesve është se kanë lënë gjurmë në rrugën e tyre për tu arratisur. Një pamje nga një video, shfaq dy nga killerat me pagesë të Giannis Skaftouros, të hipur në motorin me kapacitet të madh që braktiset pas sulmit vrastar.
Nga motorri që ata braktisën, rezulton se motori është vjedhur në vitin 2019 nga zona e Aspropirgos.
Discussion about this post