Zbardhen detaje të reja nga operacioni anti-kanabis “Kimisti”, i zhvilluar gjatë orëve të fundit në Tiranë, ku u arrestuan katër persona.
Mesohet se, në pranga kanë rënë shtetasit Ervin Shametaj, Gerhard Duro, Skënder Ismaili dhe një i mitur.
Operacioni për zbulimin e këtij grupi ka nisur mesditën e djeshme, kur policia ka ndaluar për kontroll automjetin e Ervin Shametit, prej ku ka sekuestruar disa kubikë kanabis.
Më pas, është ushtruar kontroll në një banesë, që ai e kishte marrë me qira në kryeqytet dhe në brendësi të saj është zbuluar se në dy dhoma kishte kultivuar kanabis me llamba led.
