Mesfushori i skuadrës së Dinamos, Sidibe doli në konferencën për shtyp në vigjilje të përballjes me Laçin. Futbollisti theksoi se skuadra ka nevojë për pak kohë për përshtatje ndërsa theksoi se objektivat jane maksimale.
“Ashtu siç dihet i gjithë grupi është i ri, të gjithë futbollistët kanë ardhur së fundmi dhe ajo që na duhet është koha. Na duhet të paktën 1 muaj në dispozicion të arrijmë harmoninë dhe përshtatjen me klubin.
Është e vërtetë që ne luajmë me disa lojtarë difensiv, por kjo nuk përbën problem. Trajneri na njeh mjaft mirë, mua dhe shokët e skuadrës, dhe jam i sigurte që mund të më vendosë në fushë ku duhet pasi e ai e di çfarë mund të bëj kështu që për mua nuk ka asnjë problem.
Kam disa vite që jam pjesë e kampionatit shqiptar, e njoh mirë këtë ligë, i kam luajtur pothuajse të gjitha ndeshjet me skuadra ku kam luajtur. Përveç respektit nuk kam asnjë problem dhe asnjë vështirësi në aspektin personal karshi skuadrave dhe kundërshtarëve tanë, thjesht duhet t’i respektojmë e të bëjmë punën tonë’’, u shpreh Sidibe.
