Partia Demokratike ka reaguar përmes një video ku protagonistë janë ish-kryeministri Sali Berisha dhe presidenti Ilir Meta, ndërsa deklarojnë se janë peng të njëri tjetrit ndaj janë bashkë.
PD i cilëson si burracakë deputetët e Berishës, pasi ditën e djeshme u fshehën në parlament dhe pse kishin dalë publikisht kundër votimit të zgjatjes së afateve të Vettingut.
“Pengjet e korrupsionit mbajnë njëri-tjetrin, se po ra njëri bien të gjithë. Kjo është arsyeja që non grata të shpallura e të pa shpallura, janë bashkë, sulmojnë PD, duan shkatërrimin e PD. Sillen si burracakë, e frikacakë, siç bënë një ditë më parë kur u fshehën që të mos votojnë edhe pse mbushën dynjanë se do votojnë kundër në parlament. Shajnë e mashtrojnë, pastaj fshihen që të harrohen. Tashmë demokratët e dinë, shqiptarët e dinë, se e shkuara kërkon të mbajë peng Shqipërinë për hallet e veta. Prandaj është e qartë se po mbështete Berishën dhe Metën, mban Ramën”, shkruan PD.
Discussion about this post