Nënshkrimi i Paris Saint-Germain me Sergio Ramos me një kontratë dyvjeçare e ka lënduar Thiago Silvën.
Braziliani u largua nga klubi francez verën e kaluar pas skadimit të kontratës së tij dhe u bashkua me Chelsean, duke i ndihmuar ata të fitonin Champions League.
Por një sezon më parë, ai ishte pjesë e PSG që arriti në finalen e atij kompeticioni, duke humbur nga Bayern Munich në Lisbonë.
Përpara humbjes, PSG nuk i kishte ofruar Silvës një kontratë të re, duke e lejuar atë të largohej nga klubi me të cilin kishte kaluar tetë vjet.
“Në fillim, nuk kishte asnjë ofertë për të rinovuar kontratën time. Leonardo (drejtori sportiv) më telefonoi, më tha që nuk isha pjesë e projektit të klubit dhe tha se mund të largohesha.”- u shpreh ai për ESPN.
Një vit më vonë PSG dhe Leonardo vendosën t’i ofrojë Ramos një kontratë pasi përfundoi lidhja e gjatë e spanjollit me Real Madridin.
Dhe Silva, tani 36 vjeç, e quan mosrespektuese faktin që parisienët nuk i ofruan atij një kontratë të re vjet ndërsa Ramos-it po, duke pasur parasysh që janë thuajse moshatar.
“Unë nuk kam asgjë kundër Sergio Ramos, por Sergio, në kohën kur i ofruan një kontratë 2-vjeçare, ishte në të njëjtën moshë me mua vitin e kaluar. Kështu që kjo më bëri vërtet të trishtuar. Unë ende nuk kam folur për këtë me askënd, sepse më trishtoi vërtet sepse ndjeva se nuk kisha bërë asgjë për klubin.”-tha më tej Silva./Gijotina.com
