Koordinatorja për departamentet në PD, Silvi Bardhi thotë se teksa qyettarët kërkojnë të drejtat e tyre përmes protestave, kundërpërgjigja e dhunshme e pushtetit sipas saj, është përdorimi i gazit lotsjellës.
Gjatë fjalës së saj në Rrugën e Shpresës në mbështetje të liderit të demokratëve, Sali Berisha, Bardhi tha se ai po mbahet në arrest shtëpie pa një akuzë dhe fakte, gjë që sipas saj e dëmton PD në prag të zgjedhjeve parlamentare të 2025.
Bardhi ftoi shqiptarët të luftojnë për të drejtën dhe t’i bashkohen kauzës së drejtë të PD dhe opozitës.
“Po na hidhet gaz kur ne kërkojmë të drejtat tona. Kemi organizuar protestën simbol të mosbindjes civile dhe mediat ndërkombëtare e kanë raportuar në kohë reale.
Media e kapur drejtpërdrejt në Shqipëri, përdor skena shumë të dhimbshme. Të përdoresh një fonshnjë të sapolindur për të goditur protestën, kur e vërteta është krejt ndryshe. Qeveria po përdorte fatkeqësinë e një nëne që po lindte.
Në momentin që po hidhej gazi lotsjellës, fëmijë, të rinj e të moshuar u helmuan dhe kishin pasoja të rënda. Ambulanca ishte aty dhe u largua, kur edhe një fëmijë po ndihej shumë keq.
Ne jemi këtu për të thënë fjalën tonë të lirë, poshtë dritares së së kreut të PD, Sali Berisha. Ai duhet liruar dhe mbajtja në shtëpi pa akuza e fakte, mbajtja në shtëpi politikisht e dëmton PD.
Ndaj qëndresa jonë këtu është më shumë se domëthënëse. Shqiptarët t’i bashkohen të drejtës dhe ndërgjegjës. Duam qeveri teknike, që e drejta të mbizotërojë në këtë vend”, theksoi Silvi Bardhi.
gijotina.com/
Discussion about this post