Simone Inzaghi tha fjalët më të mira për lojtarët e tij pas ndeshjes kundër Milanit mbyllur 1-1, por theksoi se fati nuk ishte me Interin. Sipas tij, Interi meritonte një penallti të mohuar.
Tekniku shprehu zhgënjim për një penallti që nuk iu dha Marcus Thuramit. Interi pësoi një goditje të rëndë kur Tijjani Reijnders i dha Milanit epërsinë në pjesën e parë.
Gjatë ndeshjes, zikaltrit patën tre gola të anuluar për pozicion jashtë loje dhe faulle, si dhe goditën shtyllën tri herë. Sidoqoftë, në minutën e 93-të, Stefan de Vrij barazoi me një asistim nga debutuesi Nicola Zalewski.
Inzaghi vlerësoi performancën e ekipit të tij, duke theksuar se ata u përballën me shumë fatkeqësi, duke përfshirë një situatë të qartë që ishte penallti për Thuramin.
“Është e qartë se ka keqardhje, sepse ne gjithmonë duam të fitojmë, por pavarësisht gjithçkaje, ne vazhduam të luftonim”.
Simone Inzaghi tha se Interi ishte ‘madhështor’ që refuzoi t’i përkulej fatit të keq. “Djemtë ishin të mrekullueshëm, ata shkuan përtej , por pati shumë fat të keq kundër nesh, me tre gola të anuluar, duke goditur tre herë shtyllën dhe një penallti vërtet të pastër që nuk u dha për Thuram”, deklaroi Inzaghi për Sky Sport Italia.
Discussion about this post