Facebook, Instagram dhe WhatsApp, dolën jashtë funksionit ditën e hënë, duke marrë një platformë jetike komunikimi të përdorur nga më shumë se tre miliardë njerëz në të gjithë botën dhe duke alarmuar të gjithë përdoruesit në të gjithë botën për arsyen e këtij mos funksionimi.
“Facebook”-ut i ka rënë i tërë sistemi dhe kështu punonjësit e kësaj kompanie nuk po mund as të futen në vendin e tyre të punës – kështu të paktën pretendon gazetarja e “New York Times”.
“Sapo bisedova me disa që punojnë në ‘Facebook’, të cilët më shpjeguan se punonjësit nuk po mund të futen në ndërtesë për të vlerësuar shkallën e ndërprerjes, pasi kartat e identifikimit në hyrje gjithashtu nuk u kanë punuar”, ka shkruar gazetarja e NYT, Sheera Frenkel.
Tri aplikacionet që janë në pronësi të themeluesit të Facebookut, Mark Zuckerberg, veprojnë në një infrastrukturë të përbashkët, nuk janë të qasshme për përdoruesit që para orës 17:00.
Një orë më vonë, gjiganti i rrjeteve sociale reagoi me anë të një postimi në llogarinë e tyre në “Twitter”, duke shkruar se janë në dijeni për këtë problem dhe janë duke punuar në rregullimin e tij.
Megjithatë, përdorues të shumtë zbuluan se bëhej fjalë për një ndërhyrje në DNS serverët, dhe kjo është duke i pamundësuar atyre të qasen në faqe.
Kompania qëndron shpesh misterioze duke mos treguar shkakun e ndonjë problemi të caktuar, madje edhe pasi ta kenë rregulluar atë.
Në vitin 2019, Facebook pësoi rënien më të madhe ndër vite, duke qëndruar jashtë funksionit për më shumë se 24 orë. Me të zgjidhur këtë problem, kompania shkroi se ishte vetëm një “operacion rutinë i mirëmbajtjes”.
Meqenëse Facebook është jashtë funksionit dhe sistemi nuk funksionon, kërkimet nuk funksionojnë, pasi përmbajtja nuk është në dispozicion. Serverët e Facebookut duhet ta ofrojnë këtë, por e gjitha që shfaqet është një kod që lë të kuptohet për një problem.
Në aplikacionet si WhatsApp dhe Instagram, ne mund të shohim përmbajtjet e para më herët, por nuk jemi në gjendje t’i kërkojmë serverëve të Facebookut për përmbajtje të re.
