Ditën e sotme ka nisur mbledhja e parë e Komisionit për Reformën Zgjedhore. Në fjalën e tij gjatë mbledhjes Fatmir Mediu e quajti sistemin zgjedhor aktual si vrastar dhe që cenon pluralizmin. Sipas tij në parlament dhe në sistemin zgjedhor shkelet me të dyja këmbët Kushtetuta. Mediu tha se jemi në gjendje kritike, pasi ligjin për zgjedhjet në vend e bëjnë grupet kriminale.
“ Ajo që u mungon këtij parlamenti është Kushtetueshmëria, është një parlament i emëruar jo i zgjedhur. E dyta garantimi i zgjedhjeve të lira dhe të ndershme, është respektimi i tyre dhe e dimë kush janë problemet e tyre. Të shmangim që ligjin për zgjedhjet ta bëjnë grupet kriminale dhe paratë e krimit”, u shpreh ai.
Më tutje ai tha se duhet të shihet me rëndësi përfshirja e qytetarëve të Diasporës në zgjedhje. Ndërsa kërkoi që të vihen në dispozicion listat e hapura, pasi kështu arrihet transparenca dhe shmanget korrupsioni gjatë zgjedhjeve. “Sistemi zgjedhor është vrastar, po eliminon pluralizmin. Sistemi me lista të hapura u jep mundësi subjektit të konkurrojë me atë që ka. Votimi të Diasporës, nuk është thjesht te kenë mundësi te votojnë po të përfaqësohen në Kuvendin e Shqipërisë. Si pjesë e padiskutueshme e shoqërisë shqiptare. Është pa sens që ne të përfaqësohemi grupime dhe të mos kemi mbështetjen teknike. Meqë e bëme me 19 veta këtë komision, mund të ishte më I reduktuar. Duhet të kemi më tepër debat teknik”, tha ai
Discussion about this post