Situata alarmante/ Flakët në Kurum, Elbasani mbylohet nga tymi

Situatë alarmante është ajo që po ndodh në Elbasan, ku flakët në fabrikën e skrapit në Kurum vijojnë të jenë aktive.

Ekipet zjarrfikëse dhe ato të emergjencave nuk po arrijnë të venë situatën nën kontroll, ndërsa i gjithë qyteti i Elbasanit është mbulur nga tymi.

Zjarri dhe flakët, sipas raportimeve, kanë krijuar një situatë alarmante, ndërsa niveli i ndotjes është në nivele të frikshme.

Flakët në fabrikën e skrapit u shkaktuan nga një shpërthim i fuqishëm disa orë më parë. Nga të dhënat e para mendohet se shpërthimi ishte shkaktuar nga një predhë që ndodhej mes mbeturinave të shumta.