Shqipëria nuk po gjen qetësi nga vatrat e zjarrit që kanë përfshirë vendin. Mësohet se një tjetër zjarr i madh ka përfshirë masivin pyjor në periferi të qytetit përgjatë superstradës Lezhë-Shkodër. Gjendja është problematike ndërsa rrezikohen dhe disa banesa. Për të shuar zjarrin janë futur edhe banorët e zonës të cilët po ndihmojnë zjarrfikëset që zjarri mos të përhapet me shpejtësi.
Pak momente më parë gijotina.com raportoi për një vatër zjarri në fshatin Piraj të Lezhës. Sipas burimeve, flakët kanë përfshirë linjën hekurudhore duke shkrumbuar traversat prej druri në një gjatësi prej 500 metrash.
Në rrezik janë edhe disa banesa në këtë fshat pasi të favorizuara nga era, flakët janë përhapur në disa drejtime. Në Piral ka nisur dhe evakuimi i banorëve të cilët rrezikohen të asfiksohen nga tymi që ka përfshirë zonën.
Discussion about this post