Situata me Covid-19 në Kosovë po përmirësohet dita ditës, teksa shifrat janë drejt uljes e rastet e reja janë të pakta. Në 24 orët e fundit janë regjistruar 3 raste të reja, nga 1298 testime të bëra.
Gjithashtu njoftohet se 1 qytetar ka humbur jetën. 20 pacientë janë shëruar gjatë kësaj kohe, teksa numri total i tyre është 157 mijë e 225.
Shpërndarja e rasteve është me 2 në Prizren dhe 1 në Fushë Kosovë.
Për sa i përket pacientëve të shëruar në këto 24 orë, 11 janë në Prizren, 5 në Prishtinë e më pas nga 1 në Suharekë, Gjilan, Gjakovë dhe Gllokoc.
