Në raportimin ditor të rasteve, Ministria e Shëndetësisë bën të ditur se nga 4,593 testime të kryera në 24 orët e fundit, janë regjistruar 37 raste pozitive.
Të infektuarit janë regjistruar në këto bashki: 10 raste në Tiranë, 7 në Shkodër, nga 4 raste në Fier, Elbasan, Lezhë, nga 2 raste në Kavajë, Kamzë, Malësi e Madhe, nga 1 rast në Krujë, Vau i Dejës.
Ndërsa, aktualisht janë 374 pacientë aktivë me COVID19 në të gjithë vendin.
Në Spitalin Infektiv po marrin trajtim spitalor të specializuar 20 pacientë. Bëhet e ditur gjithashtu se në 24 orët e fundit nuk ka pasur asnjë humbje jete me Sars-Cov2 pozitiv. Janë shëruar 18 qytetarë gjatë 24 orëve të fundit, duke e çuar numrin e të shëruarve në 130,205 që nga fillimi i epidemisë.
