Në 24 orët e fundit janë regjistruar 100 raste të reja me koronavirus në vend nga 2962 testime të kryera për të dyshuar si të prekur. Ministria e Shëndetësisë ka njoftuar se dy qytetarë e kanë hunbur betejën me virusi. Viktimat janë një qytetar nga Tirana dhe një nga Durrësi, të moshave 70-83 vjeç.
Në 24 orët e fundit janë shëruar 834 qytetarë, duke e çuar numrin e të shëruarve në 110,172 që nga fillimi i epidemisë. Aktualisht në spitalet COVID po trajtohen 116 pacientë, 11 në terapi intensive, nga të cilët 3 pacientë janë të intubuar.
