Kreu i Grupi Parlamentar të Partisë Demokratike, Enkelejd Alibeaj ka reaguar për situatën në veri të Kosovës. Përmes një postimi në Facebook, ai ka dënuar deklaratat, të cilat i quan provokative nga zyrtarë të Rusisë. Alibeaj shton më tej se PD mbështet dialogun mes Kosovës dhe Serbisë. Alibeaj, thekson se PD po e ndjek me shqetësim situatën dhe se mbështet hapat e ndërmarra nga institucionet e Kosovës për zbatimin e regjimit të reciprocitetit me Serbinë.
“Partia Demokratike e konsideron si provokative dhe luftënxitëse deklaratat e zyrtareve te larte të Federatës Ruse. Federata Ruse duhet te ndale deklaratat dhe qëndrimet konflikt nxitëse ne një rajon që e ka të përcaktuar qartë orientimin euroatlantik. Federata Ruse nuk ka asnjë lidhje me Kosovën një vend i cili është përcaktuar qarte strategjikisht ne aleance me demokracitë euroatlantike”, shkruan ai.
Në përfundim ai ka thënë se PD mbështet dialogun Kosove-Serbi si rruga me e mire e zgjidhjes paqësore e mosmarrëveshjeve reciproke.
Discussion about this post