Deputeti i Partisë Socialiste, Erion Braçe, ka reaguar në lidhje me situatën e zjarreve në vendin tonë e cila vijon të mbetet e rëndë. Braçe shprehet se në shtator do t’i paraqesë Kuvendit ligj për ndalimin e djegies së tokës përmes zjarrvënies së qëllimshme. Braçe u shpreh se kjo mund të jetë një përpjekje e vogël por duhet bërë ç’është e mundur që të ndalohet djegia e këtij vendi.
“Shiheni, kështu digjet toka! Duket si toka e zjarreve! Toka nuk duhet të digjet më, duhet ndaluar! Në shtator do paraqes në Kuvend ligj për ndalimin e djegies së tokës përmes zjarrëvënies së qëllimshme! Një përpjekje qoftë edhe kaq, për të ndalur djegien e këtij vendi” – tha Braçe.
Qindra hektarë pyje janë shkrumbuar nga flakët ku fatkeqësisht dhe disa banesa si në rastin e Shkodrës.
Discussion about this post