Kreu i Partisë së Lirisë, Ilir Meta ka paralajmëruar se ekonomia shqiptare mund të përballet me përkeqësim dhe për këtë fajësoi qeverinë e kryeministrit Edi Rama “për korrupsionin galopant”.
Meta theksoi nder te tjera se “PPP kanë dalë jashtë kontrollit nga ana e qeverisë, tregojnë qartë se vendi mund të përballet me situata që mund të dalin jashtë cdo parashikimi”.
Meta: Me rastin e çeljes së sesionit të ri parlamentar, do ndalesha te situata e përkeqësuar ekonomike që pritet të ndeshemi gjatë këtij sesioni e gjatë këtij viti si rezultat i korrupsionit galopant të qeverisë rilindase dhe politikave të saj antisociale e kundër interesit publik që tregohet qartë dhe në strukturën e dështuar të ekonomisë sonë.
Rritja pritet të ngadalësohet në rreth 2% në vitin 2023, duke reflektuar kushtet më të shtrënguara financiare. Inflacioni është rritur, i nxitur nga çmimet e ushqimeve dhe energjisë, dhe është bërë gjithnjë e më i gjerë.
Nënvizoj shqetësimin serioz të ngritur nga shefja e misonit të FMN me degradimin e PPP.
PPP kanë dalë jashtë kontrollit nga ana e qeverisë, tregojnë qartë se vendi mund të përballet me situata që mund të dalin jashtë cdo parashikimi. Gjithcka zhvillohet në kushtet e mungesës së transparencës.
Discussion about this post