Gjatë fjalës së tij në Kongresin e PS-së, kryeministri Edi Rama ka folur në fjalën e tij para Kongresit të PS edhe për situatën brenda PD. Ai tha se Partia Demokratike duhej të kishte shkuar në djall shumë kohë më parë. Rama tha se sa kohë të jetë aty ajo opozite Shqipëria s’ka për ta pasur një opozitë serioze. Sipas kreut të qeverisë, PS duhet ta masë fuqinë që ka për t’i bashkuar qytetarët shqiptarë.
“Vjen e një ditë kur ti nuk e pret, të citoj unë Ditmirin, për shembull Ditmiri tha me të drejtë nuk është e thënë të jemi ndarë e të mos jemi bashkë njëkohësisht. Gjërat që ne na ndajnë janë shumë më të vogla çfarë ne na bashkon me detyrim përcaktim. Sot ne duhet ta masim forcën tonë jo me kundërshtarin inekzistent politik, nuk kam ndërmend të vajtoj në inekzistencën e kundërshtarit se e bënë të rinjtë para meje, nuk kam asnjë keqardhje me thënë të drejtën se po ua them këtu midis nesh se nuk na del fjala. Zero keqardhje, ajo forcë duhet të kishte shkuar në djall shumë kohë më parë, shumë kohë më parë që sot Shqipëria të kishte një opozitë serioze. Sa kohë të jetë aty ajo opozite Shqipëria s’ka për ta pasur një opozitë serioze. Ne duhet të jemi të shqetësuar jo se na mungon opozita andej por sepse nuk duhet të biem në kurthin e atij që nuk është i motivuar të luftojë. Ndaj forcën tonë duhet ta masim me fuqinë që kemi për t’i bashkuar qytetarët shqiptarë, është më e vështirë se sa të kesh opozitën atë opozitë që të paktën kemi pasur” – tha Rama.
Discussion about this post