Situata në spitale Covid duket se ka filluar të bëhet shqetësues, sepse në ditët e fundit është rritur numri i pacientëve në moshat 21-26 vjeç. Sipas të dhënave, rreth 15 të shtruar në ditë është bilanci aktual i shtrimeve në spitalet Covid 1 dhe Covid 3 . Në ambientet e infektivit aktualisht janë të shtruar 110 pacientë, nga 120 që është kapaciteti, ndërsa vlen për t’u theksuar se mes të infektuarve janë dhe gra shtatzëne. Madje ka prej tyre dhe që kanë lindur, ndërkohë që foshnjet janë në gjendje të mirë shëndetësore.
Pra kemi të formave komplikacioneve në mushkri të gratë shtatzëne. Ne para disa ditësh raportuam se ka të shtruar në COVID 1, tre pacientë, respektivisht 21, 23 dhe 26 vjeç. Ajo që bie në sy është se nga ana e Ministrisë së Shëndetësisë nuk pati reagim për këto pacientë, madje nuk tregohet mosha e pacientëve që marrin trajtim.
Bilanci për 24 orët e fundit tregon se, në spitalin COVID 1 janë 110 të shtruar, nga 120 që është kapaciteti, ndërsa pjesa tjetër ndodhet në spitalin COVID 3. Pra kemi një rritje të shtrimeve në ditë që shkon në 15 shtrime ditore, por ka dhe një dalje të madhe të pacienteve nga spitalet. /gijotina.com/
