Kryeministri Edi Rama teksa ka komentuar ditën e sotme situatën mes Ukrainës dhe Rusisë, nuk ka ngurruar t’i kthejë përgjigje letrës së së Rusisë, ku kërkonte angazhim që të respektojë sipas saj detyrimet që i japin marrëveshjet ndërkombëtar. Rama tha se Rusia nuk është vend armik i Shqipërisë, por në lidhje me konfliktin me Ukrainën, ndajnë qëndrime të ndryshme.
Sa i pëket akuzave të ish-kryeministrit Berisha ai tha, se kjo situatë nuk ka të bjë fare me marrdhëniet ndërkombëtare të Shqipërisë me Rusinë, por i cilësoi akuzat ‘zhurmë folkloirike në katundin e PD’.
“Ajo letër i drejtohet të gjithë vendeve anëtare të NATO-s dhe OSBE. Asnjë qeveri nuk është marrë me atë letër publikisht, Çdo qeveri e ka marrë e ka lexuar, po e lexon ndërkohë që qëndrimet tona janë të qarta, janë të drehjta dhe nuk kemi asnjë problem në marrëdhëniet tona bilaterale me Rusinë, Rusia nuk është vend armik i Shqipërisë, por kemi ndarje të qartë në këtë pikë dhe gjithë zhurma për letrën është pjesë e një zhurme folklorike në katundin e PD. Nuk ka lidhje fare me ne dhe me qeverinë dhe marrëdhëniet ndërkombëtare. Është zhurmë mes të marrë që kanë marrë peng qytetarët”, tha Rama. Ndërsa theksoi se Shqipëria nuk do mundet kurrë të jetë krah askujt që kërkon luftë dhe trazira.
Discussion about this post