Situata në Veri të Kosovës/ Autoblindi i policisë godet kamionin e vendosur si barrikadë

Një automjet i blinduar i Njësisë Speciale ka goditur kamionin-barrikadë në Leposaviq, për ta larguar nga rruga ku ishte vendosur.

Qytetarët serbë që janë mbledhur para objektit të Komunës së Leposaviqit për të penguar hyrjen e kryetarit Lulzim Hetemi, kanë filluar të gjuajnë gurë në drejtim të gazetarëve.

Nga raportimet mësohet se Hetemi s’ka arritur të futet ende në objektin e komunës.

Media raportoi pak më herët se në Komunën e Leposaviqit është lëshuar sërish alarmi, ndërsa afër objektit komunal është bllokuar rruga përmes një kamioni.