Në një konferencë për mediat, kryetari i Partisë Demokratike Sali Berisha i kërkoi qytetarëve shqiptarë që të bashkohen masivisht në protesta kundër qeverisë së Edi Ramës.
Sipas Berishës, kryeministri do të marrë faturën që meriton dhe se do të përgjigjet ndaj çdo abuzimi me taksat e tyre.
Berisha: Operacion i kryer nga brenda sistemit, që kishte vetëm një qëllim të zhdukë gjurmët e lidhjes së politikës me krimin.
Të zhdukë gjurmët e thasëve me euro që këta kanë dorëzuar politikanëve, transformimin e vendit, ta vendosë në urdhrat e krimit. Një polic që nuk kishte lidhje me krimin, jo se kishtë aftësi u largua nga detyra pa asnjë argument.
Përveç lidhjeve të Ramës me bandat kriminale, dënoj me ashpërsi këtë akt, fshehjen që bën kryeministri, Çuçi dhe një zëdhëns të vetin, se atë shefin e coi për shkollim. Pra ka shtrirë kontrollin në çdo qelizë, siguria më në rrezik se asnjëherë, pas çdo firme është një vjedhje e re, pas çdo lëvizje në administratë fshihet mafia. Situata po bëhet katastrofale, kemi vendosmëri për protesta të përgjithshme kombëtare, sa më shpejt të jetë e mundur.
Ju bëj thirrje shqiptarëve kudo që janë e në veçanti bizneseve të vogla që po jetojnë tiraninë e regjimit, të ngrihemi kundër këtij dhunimi ndaj vendit të lirë dhe t’i presim Ramës faturën që meriton. Do e mbyll me këtë fjalë, nëse marrim 100 vitet e fundit, Rama ka vjedhur më shumë se çdo qeveri, tejkalojnë vjedhjet e 101 viteve.
Discussion about this post