Kryeministri Edi Rama e ka cilësuar si një “marrëzi” situatën aktaule në PD. Ai është shprehur në emisionin “Zonë e Lirë”, se beteja mes ish-kryeministrit Sali Berisha dhe kryedemokratit Lulzim Basha është si një telenovelë e dhimbshme.
Ndërhyrjes së gazetarit Arjan Çani që e krahasoi këtë përballje me atë mes Ramës dhe Nanon, kryeministri iu përgjigj duke thënë se është një valle të marrësh në buzën e humnerës ku do të bjerë PD që është pozita kryesore e Shqipërisë.
“Ka luftë për pushtet që është legjitime, me Nanon si Kryeministër dhe kryetar partie ku ylli i PS po perëndonte dhe shkonte drejt rënies në opozitë me një njeri që bëhet sfidant. Kurse në vendin tonë, pas 31 vjetësh liri dhe përpjekje të vazhdueshme për të ndërtuar një sistem demokratik të dali një njeri non grata pasi ka qenë president, kryeministër dhe damkoset si një nga personat që përbëjnë listën e zezë të SHBA është shumë e dhimbshme dhe shumë e rëndë.
Që ky njeri të kthehet në personin që predikon shpëtim është marrëzi, Është tragji-komike, është groteske. Dhe nga ana tjetër është marrëzia e atij tjetrit. Është një valle të marrësh në buzën e humnerës ku do të bjerë PD që është pozita kryesore e Shqipërisë” – tha Rama duke e konsideruar Bashën dhe Berishën kufoma politike.
Discussion about this post