Në Klinikën e Pediatrisë së spitalit të Prishtinës, për shkak të infektimit me koronavirus, një dy vjeçar është në gjendje të rëndë shëndetësor i intubuar me respirator, ndërsa dy të tjerë njëri 7 muajsh e tjetri 7 vjeçar janë në gjendje më të qëndrueshme.
Kështu ka njoftuar drejtoresha e Klinikës së Pediatrisë, Violeta Grajqevci-Uka e cila tha se këta fëmijë nuk kanë ndonjë sëmundje tjetër shoqëruese.
Grajqevci-Uka tha se dy vjeçari për shkak të gjendjes së rënduar sot është futur në respirator pasi kishte një javë i shtruar në pavion.
“Momentalisht në repartin COVID në Klinikën e Pediatrisë janë të hospitalizuar tre fëmijë, dy fëmijë prej tyre janë në gjendje stabile …08’28 Fëmija për momentin është me respirator dhe deri më tani para dy orëve ka qenë me CPAP dhe për shkak të përkeqësimit mjekët e repartit e kanë vendosur së bashku me anesteziolog me respirator dhe është në gjendje mjaftë të rëndë. Mosha e fëmijës është dy vjeçare, është gati 1 javë që qëndron në Klinikën e Pediatrisë momentalisht është pranuar në repartin Intensiv për shkak të gjendjes së rëndë…..09’17 Këta dy fëmijët tjerë njëri është shtatë muaji dhe tjetri është 7 vjeçare, gjendja e tyre momentalisht është stabile janë pranuar mbrëmë por po vazhdojnë me trajtim spitalor”, theksoi ajo.
