Ditën e sotme (20 qershor), Policia e Shtetit ka kryer kontrolle në kampin e muxhahedinëve në Manzë të Durrësit. Në media kanë dal pamje të punonjësve të policisë të plagosur.
Operacioni drejtohet nga kreu i policisë së shtetit, Muhamet Rrumbullaku, ndërsa burime bëjnë me dije se janë lëshuar 70 urdhër-arreste.
Sakaq në hyrje të kampit raportohet për tensione, ku anëtarë të MEK po protestojnë ndaj situatës së krijuar brenda kampit nga kontrollet policore, ndërsa pretendojnë se ka mbetur i vdekur një muxhahedin, kurse disa të tjerë janë plagosur, por policia e mohon diçka të tillë.
Kjo e fundit, pritet të dalë në një reagim për shtyp pak më vonë në lidhje me kërkimet në këtë kamp si edhe përplasjen mes forcave të rendit dhe bluve.
Discussion about this post