Atletico nuk po kalon momentin e vet më të mirë dhe pas humbjes 2-0 në derbin ndaj rivalëve të Real Madrid, mësoi se do të përballej në Champions League me Manchester United.
Sikur të mos mjaftonin këto, një tjetër lojtar i shtohet listës së dëmtimeve. Antoine Griezmann u dëmtua gjatë fundjavës në “Santiago Bernabeu” dhe u zëvendësua nga Simeone pas përfundimit të pjesës së parë.
Dy ditë pas derbit me Realin, Griezmann iu nënshtrua testeve të ndryshme mjekësore që konfirmuan dëmtimin në kofshën e djathtë që do ta pengojë atë të jetë në Sánchez Pizjuán kundër Sevilla të shtunën e ardhshme dhe të mërkurën e javës së ardhshme në Los Cármenes kundër Granadës.
Kështu, Cholo Simeone mbetet pa një futbollist që kishte qenë vendimtar për lojën e skuadrës ndeshjet e fundit dhe me shumë mundësi do të përdorë Joao Felix në sulm. Ky i fundit gjithashtu i rikthyer nga një dëmtim.
Discussion about this post